News
| Back In Tha Days - Special |
Mehrere Jahre Ruhe, keine Panoreima-mässigen Aktivitäten mehr. Trotzdem gibts uns noch irgendwo da draussen.
Um die guten alten Zeiten nochmals Revue passieren zu lassen, habe ich unter den Downloads ein paar der älteren Sachen nochmals für Euch reingestellt.
Goathill |
| 07.11.2009 |
| Goathill zeigt wer de Maestro isch.. NEW TRACK!! |
Ja es isch wahr, grad da abelade:
Goathill feat. Keen - Maestro.mp3
Trotz em Militär het de Goathill mal wieder en Track z'stand bracht.. inklusiv fettem Gsang vor Keen! A dere Stell mersi für dStimm ;)
Gend euch de Track!
greetsteve |
| 09.10.2006 |
| Freestyle-Track |
Goathill het gester mal wieder en Freestyle ufgno..
extra für die Lüüt wo scho lang nüme vo Eus ghört hend und sich bis ez immer a eusem Sound erfreut hend ;)
Siehe Downloads oder direkt DA KLICKE! |
| 01.10.2006 |
| Goathill tourt durch die Zentralschweiz! |
Yep!
Allerdings nid so, wie Ihr villicht denked!
De STeve wird (im Rahme vomene Triathlon) vo Emmen us mit em Velo um de Zugersee Fahre und den muess er au no Renne.. fascht wie de EMM haha
Das ganze wird de Zischtigmorge stattfinde!
wer weiss.. villicht gaht ihn ja öperd go afüre ;)
greetsteve
|
| 10.09.2006 |
| Pifasso Reim-Chronologie |
mit usnahm vom priv aka goathill-immer-mal-wieder-amene-battle-aztreffe isch es chli ruhiger worde um panoreima i de letschte monate. jede isch mit sim eigne kram nebst de musik beschäftigt gsi...
s'studio wo mer selber baut hend wird übergeh und de pifasso gaht scho bald für längeri ziit is usland.
us dem grund veröffentliched mier da als erinnerig a sis reimische schaffe es paar usgwählti text wo zwüsche 2000-2006 entstande sind - vo tracks, wo einigi vo euch sich villicht no dra erinneret...
Pifasso Reim-Chronologie
en dank a all die homes wo immer mindestens ein gmeinsamkeit mit eus gha hend: d'liebi zum rap.
lürick us schteilsiddi
und ebe: polenta jam am 7. juli irgendwo im bündnerland mit em dafri & goathill nöd verpasse... keep it rockin', baby!
|
| 05.06.2006 |
| Panoreima am Polenta Jam |
Dafri + Goathill werdet, a besagtem Open-Air ir Umgebig vo Chur, bunt gmischt mit andre begabte Rapper als "Espresso Project" en halbstündigi Show biete .
Zwar wird das am Fritig de 7. Juli de Fall si!
Aso Headz, wer Bock het mitzcho und eus supporte eifach es mail a heimliche_homieATpanoreima.ch schriebe ;) |
| 30.05.2006 |
| Panorauma Bye Bye |
Yeah,
en churzi Ära gaht z'End!
Panoreima wird in Zuekunft nüm im Panorauma residiere...
Us dem Grund gits de Fritig de 26.5.06 ab em 8i en öffentlichi "Good Bye"-Party, wo all herzlich iglade sind, wo wend cho!!
het Möglichkeit zum Freestyle..
Bitte Getränk und food selber mitneh.
greetsteve
kei Angscht.. isch nid s'Endi vo eusem Sound ;) |
| 25.05.2006 |
| 12.5.06 - Battle in Oberägeri |
Goathill isch am Start ;)
dJungs vo 8Bier im Quadrat sind au am Start und wer weiss wer schüsch no alles ;)
Das ganze findet i de Lemon Bar in Oberägeri statt und startet öpe uf die 9i..
wird sicher luschtig!
greetsteve |
| 12.05.2006 |
| Goathill isch scho wieder amene Battle gsi.. |
letscht Wuchenend am "Art Of Rhymes" hend zerscht mal 29 mcs sich vorgstellt, vo dene sind den grad mal 13 usegfloge..
Goathill het sech dadebi seriös qualifiziert!
aber den scho im 8-tel Final geg de letschtjährig Gwünner de FlowinFlow (so en Typ mit Flow und 2 Rolex-Imitat) het er de Chürzer zoge..
De Casp hets übrigens bis in Halbfinal gschafft, won er nach emene hammerherte 4Minute lange 4-ziiler Battle gege de Tenor usegheit isch.. |
| 08.04.2006 |
| Goathill mal wieder ame Battle... |
De Samschtig z'Zug ir Galvanik wird battled, sind vor allem zuger am Start.
Chan interessant werde.
mfg
Steve
De Goathill isch bis is Halbfinal cho, won er geg de Gwünner vom Battle, de Liv usegheit isch... |
| 02.03.2006 |
| Paginas Amarelas - Die Gelben Seiten für Brasilianer/innen in der Schweiz! |
Alle Brasilienliebhaber aufgepasst:
Ab sofort ist
www.paginasamarelas.ch
online!
Ein Adress- und Branchenverzeichnis, das verschiedene Anbieter aufführt, die irgendwie mit dem Thema Brasilien verbunden sind.
Im Paginas Amarelas-Forum haben registrierte Besucher die Möglichkeit, Beiträge zu verfassen, Fragen zu stellen oder neue Leute kennen zu lernen, die Ihre Affinität zu Brasilien teilen.
Unbedingt abchecken!
lürick us schteilsiddi - in kreativer pause, dafür business-mässig unterwegs... |
| 03.02.2006 |
| !!! Weekly-Freestyle !!! |
Yeah, es isch wieder so wiit!
Ich wirde nach Möglichkeit jede Zischtig vom 6i-9i am Abig im Panorauma alli Lüüt herzlich willkomme heisse, wo wend freestyle oder chli chille.
Es git debi eis oberschts Gebot: Respekt (vorem Rümli); und das ganze sött glatt laufe ;)
Freu mi druf,
fang nägscht Zischtig a.
Bitte bi mir melde, die wo Interesse hend!
greetsteve |
| 21.01.2006 |
| Jahresrückblick |
Yes, han für alli wos wunder nimmt no es paar Fotis id panopics glade vo de Events vo dem Jahr, wo Panoreima debi gsi isch...
Siehe -> Panopics
greetsteve |
| 20.12.2005 |
| BeatLeggers3(Review) |
Jap, es wiiters Wiehnachtsgschenkli, dasmal i mim Briefchaschte.
Fetti Sach, definitiv!
Wicht git de Tarif dure und de S-U-L-A-üpsilon-A zeigt, dass er au uf sones Tape ghört!
Nur de Desmond Dez findi da eifach ned überzügend.
Allne wiiterhin en besinnlichi Wiehnachtsziit!
greetsteve |
| 15.12.2005 |
| MOJA DUSA - DarQ'n I.C.S. |
Geschter hani di neu gratis EP vo de CasaRockäts früsch vom I.C.S. höchschtpersönlich becho! Ich han noni mal Ziit gha zums lose, aber ich freu mich scho riesig druf! Tracks sötted au gli zum gratis Download irgendwo verfüegbar si! Im nächschte halbe Jahr sött den au d'EP mit allne CasaRockäts-Member usecho! Yes so laufts in Zug!
greetsteve |
| 13.12.2005 |
| Museumsnacht schon vorbei! |
japp, so schnell können 12 Stunden vorbei sein.
wie ich bereits sagte, ich bin sehr stolz auf das Ergebnis! Danke allne wo mitgmacht hend!
Die Tracks und ein Bericht sind hier!
Unter Kunstvermittlung nachsehen!
Artikel in der ZugerPresse!
greetsteve
cha mich dem nur aschlüsse - es isch super gsi, mit so motivierte jungs und mädels zäme öppis uf bei z'stelle. und denked immer dra: Rap chund usem herze, Hip Hop isch en lebensiistellig, schiss uf poser und alli niider. ein liebi an schwiizer rap, baby!
pifasso |
| 07.11.2005 |
| Museumsnacht im Zeichen des Rap |
Der Workshop im Kunsthaus Zug steht vor der Tür!
Morgen werden wir versuchen einen Teil unserer Motivation und Liebe zum Rap weiterzugeben an noch nicht so fossile Kreaturen, wie wir das sind.
Hoffentlich geht alles gut ;) |
| 04.11.2005 |
| ALAN - De chlini Gängschter |
Zäme mit em Tiersteve het es jungs Talent en Track ufgno, de gits ez uferre CD wo verchauft wird uf de Strass und a Huustüre für 5 Stutz. Intressierti chönd sech natürlich bi mir melde (adminATpanoreima.ch). Hie no s'Cover in Farb:
 |
| 21.10.2005 |
| Goathill verzichtet auf den Titel |
Es ist wahr,
nach Monaten der Selbstfindung ist unser gern gehörter Tiersteve zum Schluss gekommen, dass er sich nicht als Rapper sieht und nicht länger als Rapper bezeichnet werden möchte.
Er sagt von sich selbst, er sei einfach zu vielseitig, um sich nur auf den Rap zu konzentrieren. Auf die Frage, ob er sich dann MC nennt, antwortete er:
"Ich war nie auf dem Level eines echten MC's, und ich kenne auch niemanden, der das ist."
Trotzdem wird er weiterhin texten und sicher nie vergessen, wie viel ihm die Texte vor allem von P-27 in seiner schwierigeren Zeit geholfen haben.
sg |
| 14.10.2005 |
| Danke für den Support, Leute! |
Mein Kurzauftritt am Guthirtfest letzten Samstag, war ja nicht gerade toll, da alle lange warten mussten, weil die Industrie die Technik wie schon beim ZugerSlang United nicht im Griff hatte.
Daher ein sehr grosses DANKESCHÖN an meine Leute, die extra wegen 2 Tracks gekommen sind und 2 Stunden gewartet haben!!
One Love
Goathill, de wo nid a d'Front will... |
| 19.09.2005 |
| ZUG LEBT |
Der 3. September hat gezeigt, dass sich der Zuger Hip Hop nicht zu verstecken braucht! Unter dem Motto 'Zuger Slang United' zeigten 11 Zuger Crews in der Industrie45 was guten, ehrlichen Rap ausmacht. Jeder auf seine Art: ob clubtauglich, entertainend, conscious oder hart und direkt. Aber alle mit Liebe zum Rap. Dafür möchten wir uns bei all den Jungs bedanken, die dabei waren und die Bühne gerockt haben.
Auch den freiwilligen Helfern, ohne die dieser Anlass überhaupt nie zustande gekommen wäre, gebührt ein grosses Dankeschön für ihren aufopfernden Einsatz.
und nöd vergesse: Loyalität über alles.
Zug lebt, baby... wiiter gahts
lürick us schteilsiddi
|
| 04.09.2005 |
| ZugerSlang United + Wicht (ZH) |
 |
| 16.08.2005 |
| ZugerSlangNacht |
Am Samstag, 3. September 2005 findet in der Industrie 45 (Zuger Jugi für die Alteingesessenen...) die erste Zuger Hiphop Nacht statt. Ein Grossteil der Zuger Crews, die aktiv und seit längerem Rap zelebrieren, wird an diesem Abend die Bühne rocken. Namentlich sind dies (voraussichtliches Line-up) Panoreima, Ennetsee Connection, Zuger Shuger/Tomahawk, Fratelli-B, Casa Rockäts, Blitzlicht, Jay/NSB und Casp tha Ripper.
Die Idee dieses Events ist es, alle Zuger, die in den letzten Jahren etwas im Hiphop bewegt haben für einen Abend zusammen zu bringen und damit die eine Gemeinsamkeit hervor zu heben, die uns alle verbindet: Die Liebe zum Rap...
representin' Zug, baby!!! nimm mi bim wort...
lürick us schteilsiddi |
| 13.07.2005 |
| DAS WARTEN HAT EIN ENDE... |
Samstag, 18. Juni 2005
Dick anstreichen in der Agenda - Heirat verschieben, Ferien absagen!
An diesem Tag werden unsere Helden von PANOREIMA ihren ersten Auftritt seit fast einem Jahr geben! Ein ehrwürdiges Ereignis und eine lange Wartezeit, die jetzt belohnt wird...
Der Event nennt sich WANDERBAR und findet in Unterägeri, direkt am See, vor herrlicher Naturkulisse statt...
Drei weitere Bands werden ihre Klänge und Rythmen zum Besten geben, wobei völlig verschiedene Musikrichtungen vertreten sind - eine Mischung die einen unterhaltsamen Abend verspricht. Packt also euer Grosi gleich mit ins Auto, auch sie wird auf ihre Kosten kommen.
à propos Kosten: Eintritt ist frei!
Unbedingt abchecken!
much love a all die homes wo ieri musig liebed und lebed...
schwiizer sprechgsang, baby!
lürick us schteilsiddi |
| 13.05.2005 |
| NEUES FÜR DEINE SINNE, PT. II - SINNLICH, BABY... |
Schicksal oder Zufall?
Hesch alles unter Kontrolle i dim Läbe? Oder isch alles vorbestimmt und du chasch sowieso nüt dra ändere?
Grossi Frage - vier verschiedeni Antworte: Zäme mit de wunderbare Petra teiled d'Wortkünstler vo Panoreima uf em neuschte Track ihri Meinig zu dem Thema mit...
ALLES UNTER KONTROLLE?
--> ab sofort im Downloadbereich verfügbar...
übrigens: 7. Mai, Freestyle Session i de Galvanik, mit Goathill und Casp am Start, dine zwei Lieblings-spontan-Rapper... Check das ab!
lürick us schteilsiddi |
| 17.04.2005 |
| NEUES FÜR DEINE SINNE |
Neues Crewmitglied.
Neues Studio.
Neuer Sound.
Neue Homepage.
Einiges hat sich verändert bei PANOREIMA in den letzten Monaten. Nachdem im Dezember 2004 das neue Studio eingeweiht wurde, konnte man sich wieder voll und ganz auf die Musik konzentrieren. In dieser Zeit griff auch einer der ersten Zuger Rapper und Produzenten, REMO P - nach mehrjähriger kreativer Pause, während der er stolzer Vater einer Tochter wurde - wieder vermehrt zum Mic. Aufgrund der langjährigen Freundschaft die die vier MCs verbindet war es naheliegend, dass er ein Teil des PANOREIMA Kollektivs werden sollte.
Seit Dezember 2004 gilt also PANOREIMA +1...
In den letzten Monaten wurde denn auch wieder viel geschrieben, gefreestylt, geübt, recorded und an Beats gefeilt.
Einige neue Tracks sind schon aufgenommen, viele mehr am Entstehen. Auf der Homepage wird es in den nächsten Wochen regelmässig neue Tracks zum Downloaden geben. Den Anfang macht 'PANOREIMA REPRESENT'. Titel ist Programm, dini lieblingsrapper sind zrugg!!! Zug lebt, baby...
Also: Self Service in der Downloadsektion.
Auch einige alte Lieder aus der Zeit von 2001 bis 2004 werden irgendwann vielleicht wieder online zu finden sein. (*oder au nöd, mal luege...)
Andere Projekte sind ebenfalls in Planung, Infos dazu später.
i dem sinn: danke a all die wo hip hop liebed. danke a all die homes wo eus immer unterstützt hend. und figg alli niider!
Panoreima 4ever!
pifasso - lürick us schteilsiddi |
| 20.03.2005 |
| ZugerShuger |
You, uf de obe erwähnte Siite (eifach de Titel aklicke!) gfindet er no en huufe freshe sound.
Frisko & Freshe, zwei Näme zum guet merke
Vo wo?->Kanton Zug
friede mit eu
Goathill
de wo für Homes wirbt. |
| 03.03.2005 |
| On The Run |
Jede Sunntig Jogging mit Tiersteve!
Wetsch au debi sie?
schrieb mer es mail oder lüüt mer a.
Ich wott au!
Goathill
de wo Sport triibt |
| 30.01.2005 |
| auf ein neues... |
neujahrsvorsätze von unserer seite gibt es keine, da es keinen sinn macht, sich einmal im jahr moralisch überlegen zu fühlen, um den rest des jahres desillusioniert ein schlechtes gewissen zu bekämpfen...
trotzdem haben wir natürlich unsere ziele, die jedoch gelöst von irgendwelchen datumsvorgaben bestehen.
das neue studio ist grösstenteils fertig gebaut, bald werden sich einige pictures dazu auf dieser seite finden. nach einigen monaten unterbrechung - wo jedes freie wochenende gesägt, gebohrt, geplant, gemalt, gelegt und gebastelt wurde - können wir uns endlich wieder mal nur aufs musik machen konzentrieren...
in diesem sinne: figg alli niider, vill liebi an rap und
es guets jahr a all die wo nie gnueg vo dene drecks-poete chönd übercho und i irgendenere art hip hop unterstützed
pifasso
|
| 01.01.2005 |
| PANOREIMA IM UMBAU |
wieder es ziitli nüt ghört vo eusne gliebte helde vo PANOREIMA. fernab vo de berge und em blocher-spielt-de-rebell-getue hend sich de DAFRI und de PIFASSO in mexico es paar woche lang dur de dschungel kämpft, während euse dritti im bund, lyriker G-O-A-T zum HILL (...) sich zwüsche schaffe, schuelischer tätigkeit und terrarium nöd so richtig hed chönne entscheide.
jetzt isch en neui episode abroche: PANOREIMA züglet ieres studio. de umbau isch im gang, erschti fortschritt sind erkennbar und d'motivation stiigt vo tag zu tag...
nachdem das werk vollbracht isch wird sich au musikalisch wieder einiges tueh und euri ohre beglücke.
bis denn: vill liebi an schwiizer rap und alli sprachvirtuose da usse: immer schön drabliibe! |
| 28.09.2004 |
| SERIEMÖRDER IN ZUG |
en reihe vo mysteriöse mordfäll erschütteret d'stadt. persone verschwindet spurlos - zerstückleti leicheteil tauched uf...
was isch nur los in zug? d'bevölkerig redt scho vo de 'todriiche vier', da mer vo mehrere täter usgaht, wo höchstwahrschinlich ieres bluetige handwerk unabhängig vonenand und jede uf sini eigeni grausami wiis verrichtet.
wer meh wett erfahre...
--> neue exklusiv-track zum abelade:
DIE TODRIICHE VIER
Panoreima feat. Casp
(unter downloadsektion oder grad im balke 'aktuells' rechts... 3.44MB) |
| 11.08.2004 |
| SCHTEILSIDDI - was gaht? |
de mord in SCHTEILSIDDI schiint glöst (für details/vorgeschichte siehe weiter unten: "mord in schteilsiddi"). de mutmasslichi täter wird sich jedoch nie vor eme weltliche gricht müsse verantworte - während de vom KOMMISSAR SCHLOCH gleitete verhaftigsaktion hed de mörder vom grossindustrielle CURD S. ICE sich vom dach vonere pizzeria in tod gstürzt. ob als folg vomene missglückte fluchtversuch oder suizid wird wohl für immer ungklärt bliibe.
wiiteri meldige us SCHTEILSIDDI:
gester nacht isch gemäss altersheimleiter BALZ HEIM en 87-jährigi altersheimbewohnerin mitsamt einigne besitztümer und emene hochtuned fiat panda (schiinbar entwendet vonere andere mitbewohnerin) us de wohngmeinschaft gflüchtet.
es wird gemäss BALZ HEIM "uf d'mithilf vo de bevölkerig zählt, damit die offesichtlich verwirrti dame wieder i eres behüetete heim chan zruggkehre".
ier gsend, SCHTEILSIDDI lebt...
lürick us schteilsiddi - direkt vor ort, i de stadt wo niemals schlaft |
| 05.07.2004 |
| PANOREIMA AM SEENACHTSFEST |
19. Juni (verschiebigsdatum 26. Juni) isch Seenachtsfest-ziit!
mit debii: die heissgliebte wortkünschtler vo PANOREIMA, eusi ENNETSEE CONNECTION-homes und sogar no meh zuger sprechgsang fetischiste.
also, so ab em 21:00 bim basketballplatz (schützenmatt), schwiizer sprechgsang, nöd verpasse...
pifasso - lürick us schteilsiddi
|
| 09.06.2004 |
| mord in schteilsiddi |
längeri ziit hend grücht kursiert i de grossstadt vo SCHTEILSIDDI. hüt morge isch es anere pressekonferenz vom morddezernat SCHTEILSIDDI offiziell bestätigt und i allne grössere tagesziitige publiziert worde: de stahlmagnat CURD S. ICE isch vor mittlerwiile zwei woche ermordet worde!
sini leiche isch zwar bereits am druffolgende morge vo de putzfrau FEGDI WEG gfunde wurde, us ermittligstechnische gründe hend d'behörde vo SCHTEILSIDDI aber no mit de offizielle bekanntgab vo de ermordig vom iiflussriiche unternehmer und kunstmäzen gwartet. gemäss polizeisprecher RETO RIKK isch de CURD S. ICE vo sim henker uf brutalsti wiis massakriert und zerstücklet wurde.
ob au de selbstmord vomene ortsbekannte gourmet-pizzabäcker letscht woche im mondäne stadtteil SKILLS öppis mit dem fall z'tueh hed isch lut RIKK nonig klärt. Wiiterhin isch de KOMMISSAR ERNST SCHLOCH mit de lösig vo dem fall betraut. de druck us de bevölkerig nimmt zueh, en baldigi uflösig vo dene gschehnisse schiint pflicht, ansonste riskiert d'polizei vo SCHTEILSIDDI (FTP) wiiter a glaubwürdigkeit iizbüesse...
nur für dich, baby - lürick us schteilsiddi |
| 18.05.2004 |
| en neui welt isch am entstah... |
SCHTEILSIDDI - es eignigs universum, en welt für sich, offe für alli style-ästhete, entstande i de kreative köpf vo de drü panoreima burschte.
die welt hed alles z'biete was mer i de reale welt nur vom 'höre-säge' kennt, aber au ganz gwöhnlichi alltagsgschichte vo scheissnormale schteilsiddi-bürger.
schteilsiddi wird sich i eure köpf festsetze, ier werdet sie liebe oder hasse lerne, ier werdet ieri iiwohner und iere lebens- und liidensgschicht kenne und schätze lerne - das alles, verpackt i unterhaltendi rhymes...
als uftakt vo dere serie isch de 'mord in schteilsiddi' plant. en rhyme-thriller bestückt mit emotionsgladene darsteller, verzwiiflig als triibende faktor und sich überschlagende ereignis...
sovill mal als schmackhaftmacher...
usserdem wird min style-bröther de lürick eus uf dere siite ab und zu exklusiv mit es paar kurze news us sinere welt schteilsiddi versorge. danke dier.
pifasso
|
| 02.04.2004 |
| pulsmessig |
in letschter ziit isch es relativ ruhig gsi um d'krü vo PANOREIMA. uni-prüefige, arbeitsüberstunde und schulischi verpflichtige hend verstärkti ufmerksamkeit verlangt und de soundbetrieb für en moment es bitzli in hintergrund drängt, was nöd heisst dass mer nöd ab und zue es mic id hand gno hend. nach dere kurze schafferischi pause (sprich: nöd allzu vill ufs papier bracht) sind aber alli beteiligte umso motivierter und voller bahnbrechende idee für neui projekt. also: regelmässig verbiiluege und checke was es neus giht. schön.
lürick us schteilsiddi |
| 23.03.2004 |
| merci für d'unterstützig |
s'concert vom 30. januar motiviert für neui tate. a dere stell möchte mer eus bi all dene lüüt bedanke wo in irgendenere form mitgholfe und eus unterstützt hend. merci a all eu hiphop liebhaber wo die musig no schätzed und sich au demit usenander setzed. merci a all die wo i de spinni so richtig abgange sind. uf es baldigs wiederseh...
übrigens: für kommentar, begründeti, sachlichi kritik und lobeshymne ladts guestbook ganz herzlich i...
zug lebt, baby!!!
pifasso - lürick us schteilsiddi
|
| 31.01.2004 |
| Rap-Konzert |
Die Rap-Gruppe Panoreima wird am 30. Januar 2004 am Abend in der alten Spinnerei in Baar (Kanton Zug) auftreten mit weiteren Rap-Gruppen und Rap-Künstlern. Wie die drei Zuger MCs (MC ist die im Hip Hop Milieu gängige Abkürzung für den englischen Begriff Master of Ceremony, was heissen soll: Meister der Zeremonie) ankündigten soll dieses Rap-Konzert gut werden. Aber sie wollen damit niemanden provozieren, angreifen oder gar verletzen. Gespannt darf man auch auf das Wetter an diesem Tag sein, allgemein wird auf eitel Sonnenschein gehofft. Selbst der Meteodienst Schweiz kann momentan aber keine genaueren Informationen liefern.
Wetterfee Pifasso - der, der hier lediglich ein persönliches-nicht-repräsentatives-statement (engl. für Meinungsäusserung) abgibt |
| 23.12.2003 |
| Panoreima in concert!!! |
am 30. Januar isch es wieder emal sowiit: d'zuger sprechgsang krü PANOREIMA wird ihres könne i de spinnihalle in baar unter bewiis stelle. zäme mit de jungs vo de altbekannte ENNETSEE CONNECTION und ihrem DJ FREEMIKE und möglicherwiis no andere mitstriiter. also, datum vormerke und wiiterverzelle. party, baby...
pifasso - lürick us schteilsiddi |
| 21.12.2003 |
| MB1000 in Zug! |
Freitag 19. Dezember 03, Galvanik Zug
MB1000 (D) / EGOCENTRIK (D)
Support: DJ Just-this, DJ Freemike
Hip Hop mit den Machern der offiziellen "Lord Of The Boards"-Event Hymne: Kalter Schweiss
Türöffnung: 21 Uhr Eintritt: Fr. 15.--
|
| 17.12.2003 |
| exklusive reinhörprobe |
bald exklusiv i de 'downloads'-sektion: en kurzi vorabversion vom 'zug represent'-track (no kein eigentliche titel) wo uf em zug-mcs-tape wird druffe si mit em DAFRI MC (dafs chli rap si???), em WICHT (ENNETSEE CONNECTION, baby) und em PIFASSO (wird der kei chance lah...) zum inelose wie de track denn wird töne. kombiniert mit enere unglaublich amateurhafte amateur-animation vo eusem gliebte tüftler GOATHILL (ja, wenn eine mit em flow chillt, denn er...).
also: check immer mal wieder d'download sektion für de attraktivi schmackhaftmacher. und natürlich au für die bereits vorhandene, fertige PANOREIMA tracks.
wieder mal bliibt mer nüt anders z'säge als: danke rap, danke, dass es dich giht.
pifasso aka lürick us schteilsiddi aka elch usem wald ohni gweih (what da fuck???). merk der das. |
| 05.12.2003 |
| letschti chance bim wettbewerb mitzmache... |
ja, DJ FREEMIKE a de bahnhofseröffnung, mit em phatte rap und de "schmuufe" übergäng im gepäck, wie mers kenned und schätzed. en bewiis dass zug richtige hip hop ebe doch zschätze weiss.
wenn PANOREIMA mal wieder in concert z'bestuune isch, isch momentan no ungwüss. aber irgendwenn hed jedes warte es endi ladies...
au uf de homepage sött sich i de nächschte täg mal wieder öppis tueh, talkin' bout pictures, neui biografie und uflösig vom sensationelle PANOREIMA-underwear-wettbewerb.
sehr schön. und immer no mit vill liebi
pifasso |
| 29.11.2003 |
| Es isch so wiit |
Nachdemm die neu Peitsch (:sprich "Päitsch") vo Panoreima sich am etabliere isch, dörf au ich ab und zue min Senf (:sprich "Sänf") dezue geh und in news Bereich schriibe. Zug isch am cho. (was DU wieder denkst..tsts) Und zwar derb. Mer dörf sich uf es Tape freue wo d Gmüeter erfreue und d Härze höcher schlah lah wird. Ich bin zueversichtlich. (:sprich "ach red doch wiede wotsch! :) Ich han mir chönne es Bild mache, vo de Beats, de Rhymes und (is there anything else?). Es wird Phatt! Ich freu mich scho jetzt uf en Meilestei i de Zuger Musig Szene und wünsch allne fröhlichs schaffe (und stuune)...es git vill z tue, wen er de shit wänd toppä...Fazit: become an mc or die tryin...$$$$$$$$$$ Pimps not dead....(yet?)
peace
Freemiksta
Panoreima Pics are back! für de Beginn sinds 9 Bildli vo eusem Rümli ;)
Check it out!
gruesteve |
| 09.11.2003 |
| tapetenwechsel mit gesang |
es tuet sich langsam öppis in bezug ufs akündigte tape. die meischte beteiligte sind flissig am texte oder hend ieres künschtlerische werk i de rohfassig sogar scho abgschlosse. d'beats sind ja bekannterwiis scho siit längerem fertig und verteilt worde. also fründe, gend eus no es paar wuche und us de bisher nur uf em papier existierende oder teils scho probehalber ufgnone texte werdet bis is chliinschte detail usgfielti meisterwerk entstah (chasch mi bim wort neh hombre).
meh wemmer nonig verrate, wie's denn wird usgseh, aber eis isch sicher: zug lebt baby!!!
pifasso - danke rap, dass es dich giht |
| 02.11.2003 |
| niemer sucht en superstar |
unter --> 'Downloads' isch jetzt en early version vom SUPERSTAR track druffe, mit eme exklusiv gsungne (!) refrain vom pifasso (mit sinere göttliche stimm). en selteheit wo höchschtwahrschinli uf de endgültige SUPERSTAR version nüme wird erschiine... also ladies, abelade und gnüsse.
i de nächschte täg söttet denn no folgendi tracks zum inelose verfügbar werde: PRIVPRIVPRIV (goathill & pifasso - ungeniert unkontrolliert und undefiniert...); WWW-STYLE (panoreima in wildwescht manier - unfertigi version); CHAMPIGNONS laid back version (pifasso - experimentell).
ja, das wärs mal. und s'wuchenend chunnt au bald.
lürick us schteilsiddi - de picasso vom rap |
| 09.10.2003 |
| erfordert kassettenspielgerät |
also, in nöd allzu ferner zukunft sött es tape mit verschiedene zuger hiphop crews druffe usecho, wobi PANOREIMA öppe 5 tracks wird biistüre. da dezue z'säge isch, dass d'zämesetzig vo de MCs zu de jewilige lieder crew-unabhängig isch, d.h. mier chönnt eus uf en interessanti zämearbeit mit eus wohlbekannte, talentierte und motivierte Glichgsinnte (Ennetsee Connection) und au es paar lüüt wo mer no nie öppis zäme gmacht hend, aber sicher gnau so mit liebi debii sind, freue. es paar hochstehendi lyrische ergüss sind also durchaus z'erwarte. schön, oder?
pifasso |
| 29.09.2003 |
| es neus ziitalter isch abroche... |
PANOREIMA homepage mit neuem style, yeah baby!!!
schriibed euri meinig dezue is gäschtebuch wenn er wend. konstruktivi kritik isch immer willkomme, au wenn mer a de ganze ufmachig weg dem sicher nüt werdet ändere...
au werde mer vo jetzt a a dem ort chli regelmässiger s'neuschte über PANOREIMA bekannt geh - neui lieder, konzertdate (wenns de mal wieder sowiit isch...) und immer wieder mal en kostprob us eusem unerschöpfliche repertoire a kreative idee, ehrgiizige zukunftsplän und chlinere ch-hip hop revolutione.
tschauet, danke an rap, danke dass es dich giht
pifasso |
| 21.09.2003 |
| Wettbewerb |
checked de PANOREIMA-wettbewerb
also ladies, lönd eu öppis lah ifalle und es giht die bequemschte boxershorts für de suntig dehei, wenn d'strings a de wäscheleine am hänge sind...
pifasso
(gwünner/inne dörfet natürlich wähle, öb shorts wend oder was anders.. steve )
|
| 21.09.2003 |
| Neui Sessions und neui Motivation! |
Es isch viel passiert sit de letschte News!
Das mit em Tape vo NSB isch gschtorbe, wülls fascht alli Beteiligte eifach chli verhangt hend..
Küssnacht, wo schlussendlich doch ganz Panoreima zäme mit EC(=Ennetsee Connection) uftrete isch, isch au scho es zietli her..
letschti paar freestylesessions gha mit Junker, Damja und enere mir bis anhin unbekannte battlemaschine us ZUG namens Chaschper!
mal luege was sich da in nöchschter ziit alles ergit!
peace
Goathill,
No.1 Panoreima-Homie |
| 31.08.2003 |
| PC am Start / Küssnacht wird abcheckt |
EY HOMIES!!!!
Jou, endlich hanis passwort wiedermal gfunde.
Es git neu, en Panoreima Ruum mit PC!
Zudem ane erkennt mer am Gogi sin Car ez au am tolle Panoreima Schriftzug!
Und demit noni gnueg, de Goathill gaht definitiv es paar Lüt en Freud go mache, idem er zKüssnacht anere Schuelabschluss Party uftritt. Mit 3 Jungs Verstärkig.
peace
Goathill oder doch nid? |
| 19.06.2003 |
| nüt neus |
es git nüt neus:
de greis isch de samschtig z'zug(galvanik)!
schins chan me go freestyle...
de x het de www.style track fertig abgmischt. mal luege...
goathill
für mich gits kei verbotsschild |
| 22.05.2003 |
| Neue Ruuuuum zum Sounde!!! |
Dank eusem sprichwörtliche Glück hend mers gschaft en neue geniale Ruum z'becho. Iweihigsparty isch nächscht Samschtig!!!
=>mail an partyATpanoreima.ch genügt um dabei zu sein ;)
Und au schusch düend mer Momentan euses Equipment chli ufrüschte...
Bilder vo de Party sötts den au mal geh, sofern i de nid mini cam verhänge.
Fride,Freud und freestyles wünscht wie immer
de Goathill wo chillt |
| 03.05.2003 |
| www.style "Bauschtell Version" |
Unter Downloads gfindet er ez exklusiv, no bevor de Song fertig isch en Veröffentlichung vo üsem www.style!!! Hammer, au wen mer es paar Teil nomal neu ufnehmed!
peace
Goathill de wo dini Mom filmt |
| 30.03.2003 |
| www.style --- Probeaufnahme gelungen |
Üse Track "www.style" fürs tape isch scho mal probehalber dinne, es chunt sicher fett!
peace
steve |
| 16.03.2003 |
| Goathill - Freestyle |
| I de V.I.P.-Zone hets wieder emal en Freestyle vo mir zum abelade... schräg aber unbedingt abelade!!! |
| 10.03.2003 |
| Nüt neus! |
D'Homepage isch für de Moment mal in Ordnig, bis ufs Gäschtebuech und d'Startsite. Ez münd mer zerscht wieder es paar Sache ufneh, dass es no chli meh zum abelade git! Ha ez au agfange mit schaffe und planne au immer no d'Rap-Session am 28-igschte...
Steve |
| 11.02.2003 |
| Panoreima-Pics doch no Online! |
Unter WhoWeBe gfindet er ez au de Link zu eusne schräge Fotis sin öbe 3 Wuche alt will mer kei Digicam hend.
S'het es paar ganz witzigi drunder!!!
|
| 10.02.2003 |
| Freestylez zum abelade sind drufe!!!!! |
Hend eusi chürzlich Freestyle-Session mit em Hammer-Rapper Abdul Ismael Damja(LU,WerCubaT/Kein und Abel) druf ta!!!!
jetzt checke!! wird nid lan druf bliebe!!!!
Peasteve |
| 09.02.2003 |
| Design fertig.. |
Hans Plakat für d'Zuger Rap-Orgie entsprechend em Chrigi sine Wünsch designt!
28.Februar bi eus im Rümli!
All Zuger MC's unbedingt verbicho!
|
| 09.02.2003 |
| Ab sofort gits rund um d'Uhr Neuigkeite!!!! |
| ja so isch es ich ha da mal so es geils skript gfunde und no chli bearbeitet jetzt wirds immer wieder öbis neus geh! |
| 30.01.2003 |
|
